أخطاء يجب تجنبها عند شراء الذهب لأول مرة
شراء الذهب لأول مرة تجربة ممتعة لكنها في نفس الوقت قد تكون مليئة بالفخاخ التي يقع فيها الكثير من الناس، خاصة إذا لم يكن لديهم الخبرة الكافية أو المعرفة الأساسية بسوق الذهب، سواء كنت تشتري الذهب بغرض الاستثمار أو الزينة أو حتى الادخار، فهناك بعض الأخطاء الشائعة التي يجب أن تتجنبها تماماا إذا كنت تريد أن تحصل على أفضل قيمة مقابل أموالك.
في هذا المقال، سنعرض لك أبرز الأخطاء التي يقع فيها المشتري لأول مرة، ونوضح كيف تتجنبها بخطوات بسيطة وعملية.
1. عدم معرفة الفرق بين العيارات المختلفة
من أهم الأمور التي يجب أن يعرفها أي شخص قبل شراء الذهب هو الفرق بين العيارات. كثير من الناس لا يعرفون الفرق بين عيار 24 وعيار 21 وعيار 18، ويظنون أن الذهب كله واحد. في الحقيقة، كل عيار يشير إلى نسبة نقاء الذهب، وده بيأثر مباشرة على السعر والقيمة.
عيار 24: ذهب نقي بنسبة 99.9٪ وغالبًا لا يستخدم في المجوهرات لأنه طري.
عيار 21: أكثر الأنواع شيوعا في العالم العربي، يحتوي على 87.5٪ ذهب.
عيار 18: يحتوي على 75٪ ذهب، ويستخدم في التصاميم الحديثة.
لو اشتريت بدون ما تعرف ده، ممكن تدفع أكتر في نوع مش مناسب لاستخدامك.
2. تجاهل حساب المصنعية
كتير من الناس بيركزوا على سعر الجرام فقط وبيتجاهلوا المصنعية، ودي غلطة كبيرة، المصنعية هي التكاليف اللي بياخدها الصائغ على الشغل والتصميم، وهي مش ثابتة، وممكن تفرق من محل لمحل.
لو اشتريت ذهب بمصنعية عالية، وقررت تبيعه بعد فترة، هتخسر جزء كبير من الفلوس لأن المصنعية مش بيرجعولك فيها، دايمًا اسأل عن المصنعية وقارن بين المحلات.
3. عدم الحصول على فاتورة مفصلة
من أكبر الأخطاء اللي بيقع فيها المشتري الجديد إنه بياخد الذهب بدون فاتورة أو بفاتورة مش مفصلة، الفاتورة مش بس بتثبت حقك، لكنها كمان بتحتوي على تفاصيل مهمة زي:
الوزن الصافي – العيار – المصنعية – السعر الإجمالي – بدون الفاتورة، ممكن تواجه صعوبات في البيع لاحقًا أو حتى في التبديل.
4. الشراء من أماكن غير موثوقة
الدهب مش لعبة، وشراؤه من مصدر غير موثوق ممكن يعرضك للاحتيال أو الخسارة، بعض المحلات غير المرخصة ممكن تبيع ذهب غير مطابق للمواصفات أو مغشوش، اختار دايما محلات مشهورة ومعروفة، ولو تقدر تشتري من تاجر معتمد أو موثوق بيكون أفضل.
5. الشراء بدون مقارنة الأسعار
أسعار الذهب بتختلف من محل لمحل، وكمان المصنعية والخصومات ممكن تختلف، لما تشتري من أول محل تشوفه، ممكن تكون دفعت أكتر بدون ما تاخد أفضل صفقة، اعمل جولة، شوف 3 أو 4 محلات، اسأل، وقارن قبل ما تاخد قرار الشراء.
6. نسيان وزن الحجر والزينة
بعض قطع المجوهرات بتحتوي على أحجار أو زينة مش من الذهب، لكن بعض البائعين بيحسب الوزن كله على إنه ذهب، ودي غلطة شائعة، تأكد إنك تعرف الوزن الصافي للذهب بدون أي إضافات، واطلب وزنه أمامك على الميزان.
7. شراء ذهب غير مناسب للاستخدام
بعض الناس بيشتري قطع ذهبية ثقيلة أو معقدة في التصميم وبيكتشفوا بعد كده إنها غير مناسبة للبس اليومي أو صعبة في البيع، ولو دي أول مرة تشتري، حاول تبدأ بقطع بسيطة وعملية، سواء في التصميم أو الوزن، علشان تقدر تستخدمها بسهولة أو تبيعها عند الحاجة.
8. التسرع في الشراء وقت ارتفاع السعر
في أوقات بيكون فيها السوق في حالة ارتفاع، وده بيخلي بعض الناس يشتري بسرعة خوفا من زيادة السعر، لكن ده تصرف ممكن يخسرك، تابع السوق، استنى وقت التراجع، وخد قرارك بعد دراسة وتحليل، مش بدافع القلق أو الخوف.
9. إهمال توقيت الشراء
زي أي سوق، الذهب له مواسم بترتفع فيها الأسعار (زي الأعياد، بداية الصيف، مواسم الزواج)، فلو اشتريت في وقت الذروة، هتدفع أكتر، حاول تتابع حركة الأسعار واختر وقت هادئ في السوق علشان تشتري بأفضل سعر.
10. الاعتماد على رأي البائع فقط
البائع هدفه الأساسي البيع، ومش دايما هينصحك بالأفضل ليك. خد وقتك، اسأل أكتر من مصدر، اقرأ على الإنترنت، واسأل أشخاص عندهم خبرة، اعتمد على مصادر متنوعة في اتخاذ قرار الشراء، علشان تشتري وأنت فاهم مش بس واثق.
شراء الذهب لأول مرة تجربة مهمة ومليانة تفاصيل، لو دخلت على التجربة من غير استعداد، ممكن تقع في أخطاء تكلفك كتير، علشان كده، لازم تعرف العيارات، تقارن الأسعار، تاخد فاتورة، وتشتري من مكان مضمون، ومهما كانت الصفقة مغرية، خليك دايما واعي ومتابع لحركة السوق.
تجنب الأخطاء اللي ذكرناها، وابدأ رحلتك مع الذهب بثقة وذكاء!
