أفضل أنواع الذهب للاستثمار: دليلك لاختيار الذهب الصحيح

أفضل أنواع الذهب للاستثمار

الاستثمار في الذهب يعتبر واحد من أكثر الطرق أمان لحماية رأس المال، خصوصاا وقت الأزمات الاقتصادية والتضخم كما نواجهه ف الوقت الحالي, ورغم إن الذهب معروف من زمان انه ملاذ امن، إلا إن مش كل أنواعه مناسبة للاستثمار, في المقال ده هنشرح الأنواع اللي ينصح بها، ونعرف مع بعض إزاي تختار النوع المناسب حسب أهدافك.

ليه الذهب بيعتبر استثمار امن؟

الذهب بيحافظ على قيمته على المدى الطويل، وبيتصرف بشكل مختلف عن الأسهم والعقارات, في وقت الأزمات أو لما الأسعار ترتفع، الذهب غالباا ما بيخسرش, وعلشان كده كتير من الناس بتشتريه علشان يحموا فلوسهم من فقدان القيمة أو التضخم.

الأنواع الرئيسية للذهب اللي ممكن تستثمر فيها

1. السبائك الذهبية

السبائك هي الشكل الأنقى للذهب، وبتكون بنسبة نقاء 99.9%، وغالباا بتكون من عيار 24, دي من أكثر الأشكال اللي يفضلها المستثمرين لأن:

سعرها بيعتمد على الوزن والسعر العالمي فقط, ومفيهاش مصنعية أو إضافات , وسهل تسييلها وبيعها في أي وقت , وبتتوفر بأوزان مختلفة، تبدأ من 1 جرام لحد 1 كيلو، وبتكون مختومة بختم الشركة المصنعة لضمان النقاء.

2. العملات الذهبية

زي الجنيه الذهب أو الليرة الذهبية, العملات دي بتكون برضو قريبة من السبائك في النقاء، لكنها بتكون أصغر وأسهل في التداول. مميزاتها:

سهلة التخزين , وممكن تشتري كميات صغيرة حسب ميزانيتك, وبعض العملات بيكون لها قيمة تاريخية أو تراثية.

بس مهم تعرف إن بعض العملات ممكن يكون عليها فرق بسيط في السعر بسبب التصميم أو الندرة.

3. الذهب المشغول (المجوهرات)

ده النوع اللي بنستخدمه في الزينة، وغالباا بيكون من عيار 21 أو 18, رغم إنه ذهب، لكنه مش مناسب للاستثمار لأنه:

عليه تكلفة مصنعية عالية, ويمته وقت البيع أقل بكتير من سعر الشراء, وصعب تعرف وزنه الحقيقي بدقة بسبب التصميم

لو الهدف زينة فقط، مفيش مشكلة, لكن لو بتفكر في مكسب أو حفظ قيمة، بلاش تعتمد عليه.

أفضل عيار للذهب الاستثماري

عيار 24 أنقى نوع، الأفضل للاستثمار والكل يفضلة, عيار 22 كويس لكنه أقل في النقاء من 24 , عيار 21 وأقل مناسب للزينة، مش للاستثمارومعظم المقبلين علي الزواج يشتروه, كل ما كان العيار أعلى، كل ما زادت قيمته كاستثمار.

نصائح مهمة قبل شراء الذهب

1-اشتري من تاجر أو محل موثوق ومعروف

2-خزن الذهب في مكان آمن سواء في البيت أو البنك

3-اطلب فاتورة موضحة فيها الوزن والعيار

4-تابع أسعار الذهب يومي قبل ما تشتري

5-حافظ على الذهب من الخدوش والتلف لأنه ممكن يأثر على سعره.

متى تشتري الذهب؟

مش لازم تستنى السعر يوصل لأقل نقطة علشان تشتري, ممكن تبدأ تستثمر تدريجي، خصوصاا لو شايف إن فيه احتمالات لعدم استقرار اقتصادي, الاستثمار في الذهب مش بس للربح، لكنه وسيلة لحماية القيمة التي بحوزتك.

لو ناوي تستثمر، خليك في السبائك أو العملات الذهبية, بلاش تعتمد على الذهب المشغول لو بتدور على مكسب, واعرف إن الاستثمار الناجح في الذهب محتاج صبر ومعرفة, كل خطوة بتاخدها وأنت فاهم هتفرق معاك على المدى الطويل.